ƏHALİNİN SAYINA GÖRƏ HİNDİSTAN ÇİNİ KEÇDİ

Dünya əhalisinin 8 milyardı ötdüyü indiki vaxtda ən sıx məskunlaşan ölkə dəyişmək üzrədir.

Azerbaycan-ruznamesi.org xarici mediaya istinadən xəbər verir ki, 1,4 milyard əhalisi olan ən sıx ölkə olan Çin bu titulu Hindistana təhvil verməyə hazırlaşır.

Belə ki, Birləşmiş Millətlər Təşkilatının (BMT) proqnozuna görə, Hindistan yaxın bir neçə həftə ərzində 1,4 milyarddan çox əhalisi ilə dünyanın ən sıx məskunlaşan ölkəsi olacaq.

BMT-dən fərqli olaraq, demoqraflar Hindistanın dünyanın ən sıx məskunlaşdığı ölkə adını nə vaxt alacağına tam əmin deyillər. Bu məsələ ilə bağlı dəqiq tarix verməkdən çəkinən ekspertlər hələ də dəyişikliyin yaxın gələcəkdə baş verəcəyini proqnozlaşdırırlar.

Xatırladaq ki, Çin, Birləşmiş Millətlər Təşkilatının əhali məlumatlarının qeydə alınmağa başladığı 1950-ci ildən bəri dünyanın ən çox əhalisi olan ölkəsidir. Həm Çində, həm də Hindistanda 1,4 milyarddan çox insan yaşayır. İki ölkə birlikdə dünyanın 8 milyard əhalisinin üçdə birindən çoxunu təşkil edir.