دونیایا هر گلن گئدر آنجاق وطن یاشار
برلین – آزربایجان کولتور اوجاغی – دیه‌رلی عزیز دوستلاریم.
عزیز و دیه‌رلی دوستوموز حورمتلی ناصر تفضلی ، وفات خبرینی درین کده‌ر و تاسفله تلفونلا دوستلاردان منه چاتدیردیلار، چوخ اوزولدوم و کده‌رلندیم،ناصر دوستوموز برلین ده یاشایان ،مدنیتیمیزی سئون تبریزلی آزربایجانلی بیر هنرمند ایدی، اونون سسی کیمی قلبیمیز ده خلق و دیلیمیز اوچون دوُیونوردو، گئدیشی یالنیز یاخینلاری اوچون دئییل، بوتون آزربایجان مدنیتی اوچون بویوک ایتکیدیر،
روحو شاد. مکانی جنت اولسون، اونو سئونلره، و عایله سینه و هابئله بوتون برلین آزربایجان کولتور اوجاغیندا اولان دوستلارینا درین حزنله باش ساغلیقی وئریریک.
یادی ابدی، خاطیره‌سی اونودولماز اولاجاق.
حورمتله- تبریز. حسین اقدسی و عایله
دونیایا هر گلن گئدر آنجاق وطن یاشار
میللتین. ائلین، دیارین سئون یاشار
یوردون یاشارسا گولوم سن ده زنده سن
خلقین سئویب اوجالدان آدام. دایما یاشار.
(دوکتور زهتابی)
Comments are closed.