واشینگتن دا ائرمنی فاشیزمینه میدان اوخوندو .
آذربایجان دموکرات فرقه‌سینین عضولری هر یئرده خوجالی فاجعه‌سینی آنیم تدبیرلرین‌ده اشتراک ائدیبلر
فورالین ۲۶-دا دونیانین دؤردبیر طرفینه سپلنمیش ایران‌لی مهاجرلر، حیاتین سرت سیناقلارین‌دان چیخان مباریزلر، او جمله‌دن شان‌لی تاریخه مالک آذربایجان دموکرات فرقه‌سینین عضولری، طرفداشلاری خوجالی سوی قریمی قوربانلارینین خاطره‌لرینی مختلف سپکی‌لی تدبیرلرله آنیبلار. فورماتین‌دان آسی‌لی اولمایاراق بو توپلانتیلاردا ۲۰-جی عصرده فاشیزمین، قددارلیغین افراط تظاهرلرین‌دن ساییلان ارمنی وحشی لیگین غضب حس‌سی ایله دانیشیلیب. بوتؤو بیر ائلی سوی قریما معروض قویان امپئرییا رهبرلرینین، امر وئره نلرین و اجراچیلارین ایندیدک جزالاندیریلمادیغین‌دان درین تأسف و نفرت حس‌سی ایله صحبت آچیلیب.
آدف-نین اورقانی اولان azerbaycan-ruznamesi.org سایتینا همین گون ایران‌لی مهاجرلرین و فرقه عضولرینین باکی‌دا، آذربایجان رسپوبلیکاسینین بؤلگه‌لرین ده دوزه‌ن لن آنیم تدبیرلرین‌ده ایشتیراکین‌دان گون عرضینده یازدی. اسکاندیناوییا اؤلکه‌لرین‌دن، دانیمارکادان، آلمانییادان… بو مؤوضویا عایید رئداک‌سییامیزاعنوان‌لانان اینفورماسییالار واسطه‌سیله آکسییالاردان، توپلانتیلاردان خبر توتدوق.
گونئی آذربایجان‌دا یاشایان سویداشلاریمیز یئنه تعقیبلره، تضییقلره اهمیت وئرمه‌دن قان قارداشلاری ایله همرای‌لیکلرینی بیلدیرمیین اوریژینال اصوللارینی تطبیق ائتدیلر. چونکی سوی قیریم ایفاده‌سی سویداشلاریمیزا هله اؤتن عصرین ایریمینجی ایللرین‌دن معلوم‌دور. یالنیز ۱۹۱۸-۱۹۲۰-جی ایللرده داشناکلار گونئی آذربایجان‌دا ۲۰۰ مینه یاخین اینسانی قتله یئتیریبلر. شاه دیکتاتوراسی ۱۹۴۶-جی ایلین دکابرین‌دا ۲۱ آذر حراکاتینین مغلوبیتین‌دن سونرا ۳۰ مینه یاخین اینسانی گولللمیش، دارا چکمیش، ۱۰ مینلری ایران عربستانین صحرالیق لارینا سورگون ائتمیش‌دیر. «ولایتی-فقیه» رژیمی ده بو «عنعنه‌نی» اؤزونه مخصوص طرزده داوام ائتدیرمیش، وطن پرور انسانلارا دیوان توتموش‌دور و توتماق‌دادیر. زوراکی‌لیق، ساختا اتهاملارلا اوخونان حکم لر هئچ واخت اونودولمایان، باغیشلانیلمایان بشری جینایتلردیر. بوتون بونلار غضبله خاطرلانیب، شهیدلرین روحونا احترام ایفاده اولونوب. عینی زامان‌دا دونیا آذربایجان‌لیلارینین ایستینادگاهی، اومیدگاهی ساییلان مستقل آذربایجان رسپوبلیکاسینین ۲۹ ایل ارمنی اشغالی آلتین‌دا قالان تورپاقلارینی دوشمن تاپداغین‌دان آزاد ائد‌ن خالقیمیزلا، اونون مظفر آلی باش کومان‌دانی ایلهام علی یف له، ظفرلی سلاح‌لی قوه‌لریمیزله همری‌لیک غرور حس‌سی ایله دیله گتیریلیب.
البته، فورالین ۲۶-دا آلدیغیمیز اینفورماسییالاری اوخودوق، حوصله ایله یایدیق، باشقالاری ایله پایلاشدیق. ایسوئچ‌ده یاشایان تانینمیش اجتماعی-سیاسی خادم عبدالله امیر هاشمی جاوانشیر گون باشا چاتان‌دان سونرا واشینگتن دا ن اونا گؤندریلن ویدئو رئپورتاژی بیزه عنوانلادی. قیسا درکنار دا یازمیش‌دی: «بو گون ۲۶ فورال ۲۰۲۱-جی ایلده آمریکا بیرلشمیش ایشتاتلارینین پایتاختیندا واشینگتن شهرینده ارمنستان سفیرلیگی نین قارشیسیندا خوجالی سوی قیریمی ایله باغلی آذربایجان دموکرات فرقه‌سی (آدف) و دیگر تشکیلاتلارین تشببوسو ایله میتینگ تشکیل ائدیل‌دی». خبرین مهم اهمیتی اوندادیر کی، آدی چکیلن شهر ارمنی لوببی‌سینین دایم راحتجا سؤیکندیگی ایستینادگاهلاردان بیری‌دیر.
نظره آلساق کی، باکی ایله واشینگتن آراسین‌داکی واخت فرقی ۱۰ ساعت‌دان یوخاری‌دیر، ماتریالی ائرته‌سی گون تقدیم ائتمک مجبوریتیین ده قالدیق.
آذربایجان دموکرات فرقه‌سی محض همین عاملی اساس گؤتوره‌رک مسلکداشلاریمیزین چکینمه‌دن تدبیرین تشکیلات‌چیلاری سیراسین‌دا اولمالارینی، جسارت‌لی، منطقی چیخیشلارینی شان‌لی عنعنه‌لریمیزه صداقت نمونه سی کیمی دیرلندیریر، اونلارا و بوتون ایشتیراک‌چیلارا سلاملارینی، تشککورلرینی یئتیریر.
رحیم حسین‌زاده،
آذربایجان دموکرات فرقه‌سینین صدری
Comments are closed.