بیر مای بايرامی تبريزه خوش گليب صفا گتيردی م. بيريا
بیر مای بايرامی تبريزه خوش گليب صفا گتيردی
آ دوستلار سئوديگيز بير مای بايرامی
تبريزه خوش گليب صفا گتيردی
الينده ساقینين عدالت جامی
فعلهنين روحونا غذا گتيردی
باخان زامان چمنلره، دوزلره
فرح گلير چوخ، سارالميش اوزلره
حسرتيمدن نوردان دوشن گؤزلره
تاباخ- تاباخ بوگون ضييا گتيردی
تجروبهلر ازل وئريبدير نيشان
بيرليک قيلار زحمتکشی کامران
ايستعمارين پنجهسينده چيرپينان
دردلی کؤنوللره داوا گتيردی
بيرلشمهسک اولار بوتون ايش کلک
قوردلار باسار، يئيهر بيزی قويون تک
قاناد چاليب دئيهر گؤيده بير ملک:
هر يارايا بيرليک شفا گتيردی
1322
Qaynaq: Achiq Söz
Comments are closed.