قارا یانوار – 20 ژانوار 1990

20 ژانوار 1990 نجی ايل قوزئي آذربايجاندا خالق عصيانيندا روس شوونیست اردوسو , ارمنی قولدور دسته لری ایله بیر گه آذربایجان خالقینا کئچیرتدیگی ترور آکتی و باکی دا توره تدیکلری قانلی قیرغینی 35 نجی ایل دونومو عرفه سینده ییک.

1990. نجی ایلین 20 ژانواریندا آذر بایجانا قارشی اراضی ادعالاری ایره لی سوره ن ارمنستانین تجاوزکار حرکت لریندن و کئچمیش سووه ت رهبرلییی نین اونلارا هوادارلیغین دان حیدتله نن / باکی نین کوچه لرینه و میدانلارینا چیخاراق بونا ئوز قطعی اعتراضی نی بیلدیره ن گنیش خالق کوتله لرینه قارشی شوونونیست روس اردوسونون دویوش حیصه لرینی نین یئریدیلمه سی آذربایجاندا تایی گورونمه میش فاجیعه یه گتیریب چیخارتدی.

همین فاجیعه لی گونلرده ئوز ئولکه سینین خالقینین آزادلیغینی شرف و لیاقتینی هر شئی دن اوجا توتان مرد وطن اوولادلاری جانلاریندان کئچه ره ک شهیدلیک زیروه سینه اوجالدیلار.

بویوک ایتگی ایله گناهسیز انسانلارین قتلی ایله نتیجه له نن 20 یانوار فاجیعه سی / جنایتکار میخائیل گورباچف باشدا اولماقلا – آذربایجانا قارشی خیانتکار سیاستینه دوزمه ین ئوز آزادلیغینا- مستقیل لیگینه جان آتان آذربایجان خالقی نین همده مبارزلیگی نی – اییلمزلیگی نی – مغرورلوغونو نمایش ائتدیردی.

بو فاجعه لی گونو اونوتمایاق !