۲ اسفند (۲۱ فوریه روز جهانی زبان مادری)

شیرین دیل، کسگین شعر

آنامدان یادگار: آنجاق گوزه ل شیرین دیلیم واردیر،
دئییب: فرهادسان اوغلوم! شیرین بو
دیل _ دوداق لاردیر.
اودور یازماق میزین: سیندان، قلم: چککیش، دمیردن: سوز،
یانار کونلون: کوره، بو وزن شعرین تاپداماق لاردیر.

سوزون اعماق قلبیندن کوز اودلار تک چیخیب پارلار،
اونو سانما کیچیک بیر اود، یانار داغ دیر، اوجاق لاردیر.
دمیرلر: بو یانار سوزلر، شکیل تاپدیقدا سوولانمیش،
دویوشلرده قیلینج لاردیر،بیچین لرده اوراق لاردیر.

اودور میصری قیلینج: شعرین، اونون تک حق سوزون کسگین،
بو سوزلر، هر ظالیم بیلسین، سیلاح لاردیر، یاراق لاردیر.
ولی بونلار بیزیم ائلده، عدالت، حق سئون یئرده،
اوراق لاردیر، چاپاق لاردیر، کولوک لردیر، ناجاق لاردیر.

ظولوم، ظالیم، عداوت اولمایان سیاره ده، سوز سوز،
نووه، بومبا، فوزه، خمپاره، مصرف سیز، چوماق لاردیر.
سیلاحلی قال قارانلیقدا پاریلدیر گوزلری قوردون،
قودوز قوردلار: بو ظالیم لر، آداملیقدان اوزاق لاردیر.

نه دیر ” حاللاج! ” سوزو سازین؟ دئییر “چنلی بئله” بیر باخ،
قارانلیقلار قووولدوقجا، اوفوق آیدین شافاق لاردیر.
امین اول شن صاباح، ظالیم، یاوا، موفته یئین یوخدور،
قالان عشق و محبت دیر، قوچاق لیق دیر، قوچاق لاردیر.

پروفسور علی اکبر ترابی (حللاج اوغلو)

#مشاهیر_آذربایجان
#مفاخر_ایران
#پروفسورعلیاکبر_ترابی
#حلاج_اوغلو

Comments are closed.