بو، آذربایجانین چاغیریشی‌دیر – شهبازی

بو، آذربایجانین چاغیریشی‌دیر – شهبازی

https://ca.axar.az/news/planet/727474.html?fbclid=IwAR0YmnYGY2kvOBVOBTkAUjoUacDBkT6egXVKHrN5WUrr-rF71aJo7CVu2Ro

آذربایجان دموکرات فیرقه‌سی ۲۵ مارت‌دا آوروپا شوراسینین بیناسی قارشی‌سین‌دا کئچیریلمه‌سی نظرده توتولان آکسییایا جدی شکیل‌ده دستک وئردیی اوچون فیرقه‌نین طرفدارلارینین یاخین‌دان ایشتیراکینی ایستمیشیک. چونکی بو یوروشو گونئی آذربایجان میللی حرکاتینا لازیم‌لی حساب ائدیریک. بو، بین‌الخالق بیر آکسییادیر.

بو سؤزلری Axar.az-آ آذربایجان دموکرات فیرقه‌سینین آمریکا کمیته‌سینین مسئولو رحیم شهبازی دئییب.

«بیزیم هئیت عضولری فرق‌لی یئرلردن – آمریکا، کانادا، آوروپا، تورکییه، ایسوچ، اینگیلتره کیمی اؤلکه‌لردن قاتیلاجاقلار. اینانیریق کی، چوخ آدام ایشتیراک ائد‌جک. آکسییادا فیرقه‌نین منصوبلاری، ایسوچ‌دن بین‌الخالق علاقه‌لر اوزره مسئول عبدالله امیر هاشیمی جوانشیر، من اؤزوم ده آمریکادان قاتیلاجام. بیزیمله یاناشی، بین‌الخالق فعالیتلری ایله تانینان فیرقه‌چیلر ده اشتیراک ائتمک نیتینددیرلر».

شهبازی «آزادلیق، عدالت» یوروشونون ایلک نؤوبه‌ده فارس رژیمینه بؤیوک مئساژ اولاجاغینی بیلدیریب:

«بیلدییمیز کیمی، ایران‌دا ۵-۶ آی عرضین‌ده بؤیوک اعتراضلار کئچیریلدی. بو اعتراضلاردا غیری-فارس میللتلری، گونئی آذربایجان تورکلری و دیگر تورکلر ده آکتیو ایشتیراک ائدیبلر. چونکی بو فارس رژیمی ۴۴ ایلدیر آچیقجاسینا بوتون غیری-فارس میللتلری آسیمیلیاسییایا معروض قویوب، بو میللتلرین میللی کیملیینی یوخ ائدیب. بین‌الخالق عالم‌ده ده ترورو دستکله‌یه‌ن بیر رژیمدیر. بونلارین هامی‌سینی نظره آلساق، بو آکسییانین اهمیتی چوخ مهم‌دور: گونئی آذربایجان دیاسپورو و دونیانین هر یئرینده یاشایان گونئی‌لیلر ال-اله وئریب، آوروپا شوراسینین بیناسینین قارشی‌سین‌دا اؤنملی آکسییا کئچیره‌جک. ان اؤنملی‌سی، اورادا آذربایجان‌لیلارلا یاناشی، باشقا میللتلردن ده اشتراک ائد‌جکلر. هامیسی تاریخ بویونجا گونئی آذربایجانا رهبر کیمی باخیبلار».

شهبازی بیلدیریب کی، آکسییا داخیلده‌کی میللی حرکاتین داها دا قوتله‌نمه‌سینه تکان اولا بیلر:

«بیز بونونلا هم خاریجده گونئی آذربایجانین نه اولدوغونو گؤسترملیگیک، هم ده داخیل‌ده‌کی ۴۰ میلیون آذربایجان تورکونه اورک-دیرک وئرملیگیک. ایران‌دا بیزیم حبس ائدیله‌نلریمیز، یارالانانلاریمیز، شهیدلریمیز وار. هامی بیلمه‌لیدیر کی، بیز اونلاری اونوتمامیشیق. بیز خاریج‌ده اولساق دا، بؤیوک میللتیمیزین سسیگیک. اونلارلا بیرلیک‌ده فارس فاشیزمینه و جینایتکار ایران رئژیمینه قارشی مباریزه آپاریریق. گونئی‌لی-قوزئی‌لی یوخدور، هامیمیز آذربایجانلی اولاراق اوراداییق. اورادا قوزئی‌دن و تورکییه‌دن ده اینسانلار اشتراک ائد‌جک. بونلار هامی‌سی گونئی آذربایجان مسئله‌لرینی داها گوجلو شکیل‌ده اورتایا قویاجاق‌دیر».

رحیم شهبازی یوروش اؤنجه‌سی یاشانان گرگینلیکلر و فیکیر آیریلیقلارین‌دان دا بحث ائدیب:

«بیز بیرلییمیزی تام گوجو ایله گؤسترمک اوچون بوتون فیکیر آیریلیقلارینی اونودوب، گونئی آذربایجانی دوشونملیگیک. نه قدر بو آکسییانی بؤیوک مووفقیتله کئچیرسک، بیر او قدر یاخشی اولار. طبیعی کی، اورادا فرقلی-فرقلی بایراقلار دا اولاجاقدیر. هامی‌سی گونئی آذربایجانی تمثیل ائد‌جک. بورادا ان بؤیوک انگل ایران-فارس رژیمی طرفین‌دن یارادیلا بیلر. اونلار تاریخ بویو ترور عمللرینه ال آتیبلار. امینم کی، تهلوکه‌سیزلیک قوه‌لری بونلارین هامی‌سینی نظره آلاجاق. میللتیمیزله ال-اله وئره‌رک، «آزادلیق، عدالت، میللی حکومت» شعاریمیزا انگل یارادانلارا ایمکان وئرمملیگیک. فارس شووینیزمی باشا دوشملیدیر کی، بیزیم میللت اؤز آزادلیق و ایستیقلالیت موباریزه‌سینی داوام ائتدیریر. نئجه کی، بؤیوک شعاریمیز واردیر: سن چاغیرسان گلرم من، سن یاشا، آذربایجان! بو دقیق مئساژدیر: بو گون آذربایجان چاغیریر».

Comments are closed.