یاخین گونلرده آشیق قشم جعفری‌نین مزارداشی تزه‌لندی. ائله بو مناسبتله او موباریز آشیغی یاد ائدیریک.
پروفسور زهتابی، آشیق قشم حاققیندا یازدیغی شئعرینی بئله باشلاییر:
سلام میشووومون اودلو نفسی
شاهه باش اَیمه‌ین، قهرمان قشم.
بو توصیف هئچ ده یئرسیز دئییل، چونکو قشم دموکرات فرقه‌سی داغیلاندان سونرا، نه باشقا اؤلکه‌لره قاچدی نه ده شاها باش اَیدی. او میشوو داغلارینا سیغینیب اوزون زامان اوردا قالدی. بو زامانلاردا بینیسلی بیر چوبان هرگون آشیق قشمه یئمک گتیررمیش.
آنام منه لایلا چالیب
آنام تورکدور، من ده تورکم
سود وئریب منی بسله‌ییب
سود تورکدو، من ده تورکم.
بال دادی وار ممه‌سینده
من بسله‌ییب سینه‌سینده
لیلی مجنون هوسینده
مجنون تورکدو، من ده تورکم.
تاریخلرده سؤزوم قالسین
تمیزلیکده اوزوم قالسین
من ده اؤلسم، ایزیم قالسین
ایزیم تورکدو، من ده تورکم.
چالیشین تاریخده قالین
آزادلیقدان ایلهام آلین
قشمی ده یادا سالین
ائلیم تورکدو، من ده تورکم.
Comments are closed.