آذربایجان دموکرات فرقه‌سینین ایران‌دا ۲۸ خرداد ۱۴۰۰-جو ایل (۱۸ ایون ۲۰۲۱) پرزیدئنت سئچکیلری، شهر، قصبه و کند شورالارینا سئچکیلرله علاقه دار
بیاناتی
عزیز هم وطن لر، ایرانین سس وئرمه حقوقلو وطنداشلاری، مسلکداشلار، اؤلکه‌نین بوتون مترقی و آزادلیق سئور قوه‌لری!
سیزلر خرداد آیینین ۲۸-ده (ایونون ۱۸-ده) ایران‌دا پرئزیدئنت سئچکی‌سی آدینا ۱۳-جو ساختا شوونون، لاکین اوولکیلردن فرق لنمه ین لؤوحه لرینین شاهدلری اولاجاقسینیز. بو سسئنارینین ده مؤلفلری عینی‌دیر. ولایتی-فقیه رئژیمی یئنه بشری قانونلارا میدان اوخویاجاق، اؤلکه‌نین دئییل، بیر قروپ استثمارچی نین منافعیینه خدمت ائد ه جک شخصی پرئزیدنت کورسوسونه اوتورتماق اوچون غیری-قانونی، زوراکی متودلارینی ایشه سالاجاق‌دیر. بو مقصد اوچون ۴۳ ولایتده، ۴۵۰ رایون‌دا یارادیلمیش، ۵۹،۳ میلیون نفرین آدی یئر آلمیش سئچکی دایره‌لرین‌ده منطقه‌لردن گلن بولتن لر کهنه قایدادا حساب‌لاناجاق، اولجه‌دن معین لشدیریلن «قالیبین» آدی اعلان ائدیله‌جک‌دیر.
سئچکیلرده شهر، قصبه و کند شورالارینین عضولری ده پارالئل صورت‌ده معین لشدیریلمه‌لی‌دیر.
آذربایجان دموکرات فرقه‌سینه عنوان‌لانان چوخسایلی مراجعتلرده سوروشولور کی، بیر حال‌دا بو سئچکیلر ده اوولکینین جزِئی فرقله تکراری اولاجاق‌سا، اونون اشتراک‌چی‌سی اولماق نه درجه‌ده دوروستدیر؟ اونلار فرقه دن سئچکیلره مناسبتینی، بایکوتون، یاخود ایشتیراکین طرفداری اولدوغونو آچیقلاماسینی تاکیدله طلب ائدیرلر. آدف بئله یاناشمانی وطنین، دموکراتییانین طالعینه ، اؤلکه‌نین گله جگینه بسله نیلن دوغمالیق نمونه‌سی کیمی دیرله‌ن‌دیره‌رک بیان ائدیر:
آذربایجان دموکرات فرقه‌سی حساب ائدیرکی، قارشی‌داکی سئچکیلرده اشتراک، یاخود بایکوتو سئچمک هر بیر شخصین مستثنی حقوقودور.
اما گلین گؤرک ایران اسلام جمهوریتین ده ازل‌دن کؤک سالان قئیری-انسانی رژیم ایندی یه دک کئچیردیگی مختلف سپکی‌لی ۳۷ سئچکینین هان‌سین‌دا اؤز وطنداشلارینا دموکراتیانی دادیزدیریب. هر دفعه یئترسایین تأمیناتی سئچکی منطقه‌لرینه اوز توتانلارین سایین‌دان دئییل، قوتولارا توپالارلا آتیلان بولتنلردن ، ساختا پروتوکوللارین ترتیبین‌دن آسیلی اولوب. پرزیدنت تعیین ائدیلن شخصلره مناسبت‌ده غیری-لئگیتیمیک اونلارین اؤلکه‌ده و ایرانین حدودلارین‌دان کناردا قبولونا سوال آلتین‌دا قویوب.
رژیم بو دفعه پرزیدنت لیگه ادعالی یوزلرین ایچری‌سین‌دن جمعی ۷-سینی سس وئرمه یه بوراخیب، قادینلارین بیر داها حقوقلاری تاپدالانیب. اونلارین هئچ بیرینین نامزدلیگی کئچمه‌ییب. ایندی ابراهیم رئیسی ایله یاناشی مارافونون سونونجو مرحله‌سینه داها ۶ نفرین داخیل ائدیلمه‌سی اصلین‌ده سئچکیلره دموکراتیک گؤرونتو وئرمک نیتین‌دن ایر‌لی گلیر. بو گون ایران‌دا بؤیوکدن-کیچییه هامی دئییر کی، سئچکیلرین قالیبی محض همین شخص اولاجاق. نیه؟ چونکی ابراهیم رئیسی مؤوجود دیکتاتورایا آب-هاوا قدر گرک‌دیر. بو نامزد حاکمیتین عمرونو اوزادانلاردان‌دیر. بونون اوچون کوتلوی زوراکی‌لیقلارا، قان تؤکولمه‌سینه، اعداملارا، تعقیبلره یول آچان بوتون حکم لره سؤزسوز-صحبت‌سیز امضا آتیب. ابراهیم رئیسی بئله لؤوحه لردن لذت آلان، ۶ نامزدی پراکتیک جهت‌دن میثل سیز درجه‌ده کؤلگه ده قویان قددارلاردان‌دیر. اؤتن عصرین ۸۰-جی ایللرین‌ده فرقه‌میزین و دیگر مترقی تشکیلاتلارین یوزلرله عضوونون بیر گون‌ده گولله له‌نمه‌سینی، اعدام اولونماسینی، شانتاژلارا معروض قالماسینی اؤلکه تاریخی اونودان دئییل.
ایندی سیزلر دئیین، بئله بوتون وجودو قانا بولاشمیش بیر شخص ایران‌دا هان‌سی دموکراتیانی، انسان حقوقلارینی، راحت و فراوان یاشاییشی تامین ائده بیلر؟! بو باخیم‌دان آذربایجان دموکرات فرقه‌سی سئچکیلرین بویکوت ائدیلمه‌سینین تام طرفداری‌دیر. چونکی سئچکینین دموکراتیک قایدادا کئچه جگینه بسله نیلن امیدلر ائیفورییادان باشقا هئچ نه دئییل‌دیر. بو رژیمین اؤزونو دییشمه دن ایران‌دا هئچ واخت آزاد سئچکیلر باش توتمایاجاق. همین وظیفه ایندیکی نسیللرین، او جمله‌دن آذربایجان دموکرات فرقه‌سینین، تشکیلاتین هر بیر عضوونون معنوی میسییاسی‌دیر. بیز بو یولا خدمت‌دن دایم غرور حسی دویوروق.
عزیز هم وطن لر، ایرانین سس وئرمه حقوقلو وطنداشلاری، مسلکداشلار، اؤلکه‌نین بوتون مترقی و آزادلیق سئور قوه‌لری!
معلوم اولدوغو کیمی ایران‌دا پرزیدنت سئچکیلری ایله عینی گون‌ده شهر، قصبه، کند شورالارینین ترکیبی ده معین لشدیریلیر. بئله بیر قوروم ایرانا ۱۹۴۵-۱۹۴۶-جی ایللرین گونئی آذربایجان‌داکی میللی حکومتین‌دن یادیگاردیر.
ساده‌جه انجمن لرین آدلاری شورا سؤزو ایله اوزلنیب. سیستئم ائله قورولوب کی، بو سئچکی‌ده اشتراکی باره‌ده آراییشی اولمایان بودجه تشکیلاتلارین‌دا چالیشانلارین ایشد‌ن اوزاقلاشدیریلمالاری آن مسئله‌سی‌دیر. پارالئل لیک، قورخو-هورکو محیطی پرزیدئنت سئچکیلرین‌ده یئترسایا خدمت ائدیر.
آذربایجان دموکرات فرقه‌سی همین نوانسلاری دا نظره آلاراق بو شخصلره تؤصیه ائدیر:
آ) سیزلر بولتن لری دول‌دورمادان قوتولارا آتماقلا، بوتون نامزدلرین آدلارینین اوستون‌دن چارپاز خط چکمکله ده رژیمه و اونون دستکلدیگی شخصه قارشی بویکوت آکتینی مدافعه ائتمیش اولارسینیز.
ب)شورالارا نامزد گؤستریلن لر آراسین‌دا ائله لرینی دستک له یین کی، اونلار یاشاییش یئرلریمیزین تحصیل، اقتصادیات، صحیه ، ادمان، مدنیت، آبادلاش‌دیرما… ایله باغلی پروبلئملرینین حلینه قلبن ماراق‌لی اولسونلار.
ج)غربی آذربایجان ولایتینده سئچکیلر خصوصی دقت‌ده ساخلانیلمالی‌دیر. اونا گؤره کی، بورادا یارانمیش حساس مقاملاری اونوتماق اولماز. بئله کی، اورادا آتا-بابا تورپاقلاریمیزین مختلف یوللارلا منیمسنیلمه‌سی پروسسی گئتمک ده دیر کی، بو منفی تئندئن سییانیندا آرخاسین‌دا دیگر میللتلرین مرتجع نماینده‌لری دایانماق‌دادیر. ولایتین سئچکی‌لی اورقانلارین‌دا سویداشلاریمیزین حل ائدیجی مؤقعلر توتمالاری همین تئندئن سییانین آرادان قالدیریلماسینا خدمت ائده بیلر.
آذربایجان دموکرات فرقه‌سی بیان ائدیر کی، ۲۸ خرداد (۱۸ ایون) سئچکیلرینه اوبیئکتیو باخیشلار، اوپئراتیو تدبیرلر، عملی ایشلر وطنیمیزده سون ۷۵ ایلده خیرله شر آراسین‌دا باریشماز مبارزه نین داها بیر تجسسومودور. آدف بوتون ایران خالقلارینین، اونون آوانقاردی، آپاریجی قوه سی ساییلان آذربایجان خالقینین عمومی غلبه‌یه دوغرو مسافه‌نی داها دا قیسالداجاغینا امین‌دیر.
آذربایجان دموکرات فرقه‌سینین مرکزی کومیته‌سی
Comments are closed.