سعید ملازاده دونیاسینی دییشیب
مبارزلیگی و خیرخواه لیغی ایله یادداشلاردا قالاجاق انسان
بو آجی و قفیل خبر ایران حدودلارین‌دان کنارا گئج چاتسا دا درین تأسف حسی ایله قارشیلانیب. اونا گؤره کی، سعید حمید اوغلو ملازاده نه اینکی یاشادیغی تبریزده، ائل‌جه ده اونون حدودلارین‌دان چوخ-چوخ اوزاقلاردا خیرخواه، صمیمی، مبارز بیر اینسان کیمی تانینیردی. تبریزین قدیم “ارک انتشاراتی نین” مدیری ۱۴ یانوار ۲۰۲۱-جی ایلده (۲۵ دی ۱۳۹۹-جو ایل) گؤزله نیلمه‌دن دونیاسینی دییشیب. آتاسینین وفاتین‌دان سونرا بو قدیمی انتشاراتین فعالیتینه او، مسئولیت داشیییردی. دونیاگؤروشونه، دایم حاقین یانین‌دا اولماسینا، چوخلارینین کمکینه چاتماسینا گؤره حرمت صاحبی اولان سعیدین قفیل وفاتی بو سببلردن اوزونتو ایله قارشیلاندی.
سعید ژورنالیست عائله‌سین‌ده دونیایا گلمیش‌دی. آتاسی مترقی روح‌لو یازیلاری ایله تانینیردی. او، حمید ملازاده نین “سیری در کوچه هائ خاطرات: تبریز از شهریور ۱۳۲۰ تا انقلابی اسلامی” کیتابینی نشر ائتدیرمیش‌دی.
آذربایجان دموکرات فرقه‌سی درین تأسف حسی ایله مرحومون بوتون یاخینلارینا، مسلکداشلارینا باش ساغ‌لیغی وئریر، روحو شاد اولسون دئییر.
Comments are closed.