İRANIN BMT-DƏKİ NÜMAYƏNDƏSİ:

İranın BMT-dəki nümayəndəsi Amid Səid İrəvani bildirib ki, ölkəsinin BMT Təhlükəsizlik Şurasının qətnaməsini pozaraq Rusiyaya pilotsuz uçuş aparatları verməsi ilə bağlı ittihamlar əsassızdır.

Azerbaycan-ruznamesi.org TASS agentliyinə istinadən xəbər verir ki, bu barədə diplomat BMT Təhlükəsizlik Şurasının iclasında bildirib.

İranın Rusiyaya BMT Təhlükəsizlik Şurasının 2231 saylı qərarının 4-cü bəndində nəzərdə tutulan məhdudiyyətlərə məruz qalacaq heç bir vəsait vermədiyini vurğulayan İrəvani, “Biz bunun əksini sübut edən bütün iddiaları əsassız olaraq rədd edirik” dedi.

Ukrayna lideri Volodimir Zelenski İranı “Shahed” dronlarının yeni partiyasını Rusiyaya verməkdə ittiham edib.

Zelenskinin sözlərinə görə, Rusiya dekabrın 19-da səhər saatlarında Ukraynaya bu silahlarla hücum edib.