Qəzvin həbsxanasında 2 məhbus edam edilib

İrandakı hüquq müdafiəçiləri təşkitalının xəbər orqanı olan Harana xəbər agentliyinin məlumatına görə, cümə axşamı, 17 oktyabr 2024-cü il səhər saatlarında Qəzvin zindanında bu iki məhbus edam edilib.

Bu məhbusların, Nurmurad Geravənd və (naməlum adı) Sencerinin şəxsiyyəti Harana tərəfindən təsdiqlənib.

Məlumata görə, bu məhbuslar əvvəllər narkotiklə əlaqəli ittihamlarla həbs olunublar, sonra isə məhkəmə orqanı tərəfindən edam cəzasına məhkum ediliblər.

Bu hesabatın yazıldığı vaxta qədər bu məhbusların edamı barədə həbsxana rəsmiləri və məsul qurumlar tərəfindən heç bir açıqlama verilməyib.

İranda İnsan Haqları Fəallarının Statistika, Nəşr və Əsərləri Mərkəzinin illik statistikasına görə, 10 oktyabr 2023-cü ildən 8 oktyabr 2024-cü il arasında İran həbsxanalarında ən azı 811 vətəndaş, o cümlədən 4 uşaq suçlu edam edilib. Bu göstərici ötən ilin müvafiq dövrü ilə müqayisədə yüzdə 23,06 artıb. Bu edam olunanlardan 4 nəfərin cəzası açıq şəkildə icra edilib. Ayrıca, bu müddət ərzində daha 186 nəfər edam cəzasına məhkum edilib, o cümlədən ictimai yerlərdə 3 edam hökmü çıxarılıb. Qeyd edək ki, həmin dövrdə daha 59 nəfərin də ilkin hökmü Ali Məhkəmə tərəfindən təsdiqlənib.