İranda gizli neft borusu tapıldı: Gündə 70 min litr təyyarə yanacağı oğurlanıb

İranın Bəndər Abbas bölgəsində yanacaq oğurluğu üçün nəzərdə tutulan boru
kəməri tapılıb.
Azerbaycan-ruznamesi.org “Azad İran” informasiya agentliyinə istinadən bu
barədə məlumat yayıb.
Məlumata görə, qeyri-qanuni iki kilometrlik boru kəməri ilə gündə təxminən 70
min litr təyyarə yanacağı ötürülür.
Aşkar edilmiş avadanlığın tədqiqi, boruların korroziyası və paslanması göstərir
ki, oğrular uzun müddətdir bu boru kəmərindən istifadə edirlər. Qanunsuz
borunun özü təxminən dörd milyard tümən dəyərindədir və görünür, oğrular
lazımi texniki biliyə və məlumata malik olublar.