Birləşmiş Millətlər Təşkilatının “Faktları Araşdıran Komitəsi” İran hökuməti tərəfindən edam cəzasını tamamilə ləğv etmək niyyəti ilə bu höküməti edamların müvəqqəti və dərhal dayandırılmasına çağırıb.

Bu komitə “Vərişe Muradi”nin “silahlı üsyan” ittihamı ilə edam hökmünə toxunaraq elan etdi ki, İslam Respublikası İranda qadın fəallara qarşılıq vermək üçün edam hökmlərindən istifadə edir.

Bu komitənin elanına görə, xanım Muradi “Paxşan Əzizi” və “Şərifə Məhəmmədi”dən sonra fəallığına görə edam cəzasına məhkum edilən üçüncü qadındır. Şərifə Məhəmmədinin edam hökmü 2024-cü ilin oktyabrında ləğv edilsə də, o, hələ də edam cəzası riski altındadır. 2024-cü ilin iyununda o, qanuni proses hüquqlarının ciddi şəkildə pozulması ilə keçirilən məhkəmədə edam cəzasına məhkum edildi.

Son günlərdə İranda ictimai fəal Vərişe Muradi üçün edam hökmü elan etməklə yanaşı, İslam Respublikasının məhkəməsi “Ekbatan işi” üzrə təqsirləndirilən şəxslərdən altısı, o cümlədən “Milad Armun”, “Əliriza Kafaei”, “Əmir Məhəmməd Xoş İqbal”, “Nəvid Nəccaran”, “Hüseyn Neməti” və “Əliriza Bərmərzpurnak”a edam hökmü çıxarıb.