DUMANLI TƏBRİZ

Buludam

Buludam görünür

Buludlandırıblar,

Buluda bürüyüblər məni

Bulud görünürəm

İçimdə bir günəş var

İçimdə bir günəş gizlənib

İçimdə bir günəş gizləndirrrilib

Günəşəm!

Qol-qula bağlanmış buludların dustağına düşmüş günəşəm

İçim alovlanır

Cayır-cayır yanır içim

Az qalır partlayam

Eşiyim şaxtadır

Günəşsizlikdən donur dışım

Ağaclar,

baş budaqdan quruyub kökə çatıblar

Quşlar,

kölkələnəcək yarpaq axtarırlar

Çaylar,

bir zaman çay olanlar,

ağızlarını göyə açıblar

Dağlar,

başlarını yerə tikiblər

Gözlərində yaş qalmayıbdır ağlamağa

Qan ağlayırlar dağlar

Gölün yaman rəngi ağarıb qorxudan

Buludları ağlada biləcək ildırım gözləyirəm

Yoxsa bir güclü külək…

 

Rəsul Qədiri
12 aprel 2022