Erməni KİV-dən sensasiyalı mülahizələr
ZƏNGƏZURDAN ƏL ÇƏKMƏK, İRANA QARŞI ÇIXMAQ
Ermənistanın “Politik.am” nəşrində dərc olunan məqalədə yer alan belə mülahizələr geniş müzakirələr doğurub. Yazıda deyilir ki, Ermənistan gec-tez Rusiyanın təsir dairəsindən çıxacaq, xarici siyasət və geosiyasətdə Qərbə istiqamətlənəcək. Bu, Ermənistan üçün yeganə yoldur, amma burada da heç də hər şey hamar deyil. Qərb həm də NATO deməkdir, NATO isə öz növbəsində Qafqazda Türkiyə ilə təmsil olunur.
Erməni KİV fikirlərini belə əsaslandırır: “Əgər Ermənistan Rusiyanın təsir dairəsindən çıxaraq Qərbə tərəf üz tutsa, Türkiyə ilə münasibətlərə yüz faiz yenidən baxılmalıdır. Bu isə öz növbəsində “erməni soyqırımı”, Qarabağ məsələsindən tam olaraq imtina və nəticə etibarilə Zəngəzurdan əl çəkmək deməkdir. Ermənistan buna dövlətçiliyini qorumaq üçün razılaşmalıdır. Başqa seçimimiz yoxdur. Siz Gürcüstana baxın, bu gün heç bir dövlət bu ölkəyə bir şey deyə bilməz. Onun arxasında Qərb dayanır”.
Saytın məlumatına görə, Qərbin Gürcüstana yalnız Qara dənizdə rusların narahatlığına səbəb olması üçün ehtiyacı var, Ermənistanın isə dənizi yoxdur və Qərbə yeganə maraq İrəvanın antiiran strategiyası ola bilər.
Şərhlər bağlıdır.