GÜNEY AZƏRBAYCANDA SEVILƏN VƏ OXUNAN YAZIÇIMIZ

Hələ gənclik illərindən güney Azərbaycanı sevən, vətənin güneyi quzeyi olmaz
düşüncəsi ilə yazıb yaratmış Nəriman Əbdülrəhmanlını oxucularımıza təqdim edirik.
Nəriman Əbdülrəhmanlı 1958-ci il iyunun 3-də Gürcüstan
Respublikası Qaraçöp mahalının Düzəyrəm kəndində anadan olub. 1975-ci ildə
Düzəyrəm kənd orta məktəbini, 1980-ci ildə Bakı Dövlət Universitetini bitirib. 1983-cü
ildə Moskvada Ümumittifaq Kinematoqrafiya İnstitutunun nəzdində kinossenari
kursunda təhsil alıb. 1980-ci ildən “Daşkəsən”, “Sovet Gürcüstanı” qəzetlərində, “Kino”
qəzeti və “Yeni filmlər” jurnalı redaksiyasında, C.Cabbarlı adına “Azərbaycanfilm”
kinostudiyasının “Yaddaş” sənədli filmlər studiyasında, Dövlət Ədəbiyyat və İncəsənət
Arxivində, Müdafıə Nazirliyinin kino-telestudiyasında, “Hərbi bilik” jurnalında, “Lider”
televiziyasında, “Ulduz” jurnalında, AYB Bədii Tərcümə və Ədəbi Əlaqələr Mərkəzində,
“Qanun”, “Adiloğlu” nəşriyyatlarında müxtəlif vəzifələrdə işləyib, BSU-nun yaradıcılıq
fakültəsində nəsr kursunu aparıb. 2014-cü ildən Azərbaycan Respublikası Nazirlər
Kabineti yanında Dövlət Tərcümə Mərkəzində çalışır, 2023-cü ildən dünya ədəbiyyatı
şöbəsinin müdiridir.
N.Əbdülrəhmanlının ilk publisistik yazıları 80-ci illərdə çap olunub. 80-ci illərdə
hekayələri, 90-cı illərdə povestləri, 2000-ci illərdə romanları işıq üzü görüb. 80-ci illərin
axırlarından kinopublisistika və kino tarixi ilə ciddi məşğul olub, 4 cildlik “Azərbaycan
kino sənəti tarixi” monoqrafiyasını yazmaqla yanaşı, qələmə aldığı ssenarilər üzrə bədii
və sənədli kinofilmlər çəkilib, 2001-2003-cü illərdə isə “Lider” televiziyasında silsilə
sənədli filmlərin yaradılmasında iştirak edib. O 1991-1993-cü illərdə “Gümüş Aypara”
Beynəlxalq Aşqabat kinofestivalının Azərbaycan üzrə icraçı direktoru кimi fəaliyyət
göstərib.
N.Əbdülrəhmanlı 80-ci illərdən folklor araşdırmaları aparmaqla yanaşı, bir çox
aşıq və şairlərin yaradıcılığını toplayıb, kitab halında nəşr etdirib, onlarla kitabın
tərtibçısi və redaktoru olub. Eyni zamanda 80-ci illərdən bədii tərcüməylə ciddi və
ardıcıl məşğul olur, gürcü, rus və türk dillərindən dünya ədəbiyyatı nümunələrini
dilimizə çevirib. 10 cildlik “Dünya nəsrindən seçmələr” antologiyası hazırlayıb. 2006-cı
ildə yaradıcılığına görə Beynəlxalq Sənət, 2011-ci ildə Mədəniyyət və Turizm
Nazirliyinin “Qızıl kəlmə” – “Şans” mükafaına layiq görülüb. “Yalqız” romanı 2010-ci ildə
Milli Kitab Mükafatının ilk onluğuna daxil olub, “Yolsuz” romanı isə 2011-ci ildə üçüncü
mükafat alıb. 2018-ci ci ildə Azərbaycan Yaradıcılıq Fondunun “Ədəbiyyat adamı” adını
qazanıb, 2020-ci ildə Avrasiya Yazarlar Birliyinin VI Beynəlxalq Mahmud Kaşğarlı
hekayə müsabiqəsinin qalibi olub. 2021-ci ildə Azərbaycan kino səlnaməsinin
yaradılmasında xidmətlərinə görə Azərbaycan Kinematoqrafçılar İttifaqının mükafatını
qazanıb. 2023-cü ildə Azərbaycan-Qazaxıstan ədəbi əlaqələrinin inkişafındakı
xidmətlərinə görə Qazaxıstan Respublikasının II dərəcəli “Dostluq” ordeni ilə təltif
edilib. Əsərləri türk, rus, ərəb, gürcü, bolqar, fransız, çex, fars və ingilis dillərinə
tərcümə olunub. “Könül elçisi” romanı Türkiyədə və İranda nəşr edilib. İstefada olan
mayor, Birinci Qarabağ müharibəsinin veteranıdır. 1998-ci ildən AYB-nin uzvü, 2004-
2014-cü illərdə AYB İdarə Heyətinin üzvü olub. 2014-cü ildə AYB sıralarını tərk edib.
Azərbaycan Kinematoqrafçılar İttifaqının üzvüdür.
Rəhim Huseynzadə,
Azərbaycan Demokrat Firqəsinin sədri,
Əməkdar jurnalist