TEHRANIN SƏBRİNİ SINAMAMAĞA ÇAĞIRIRIQ

Ukrayna Prezidenti Vladimir Zelenski Rusiyaya silah tədarükü ilə bağlı əsassız ittihamlarla Tehranın səbrini sınamamalıdır.

Bu barədə İran Xarici İşlər Nazirliyinin rəsmi nümayəndəsi Naser Kənani məlumat verib.

Onun sözlərinə görə, İran Kiyevin Rusiyaya pilotsuz təyyarələrin verilməsi ilə bağlı bəyanatlarını dəfələrlə təkzib edib.

Kənani qeyd edib ki, Tehran öz hərbi texnikasını münaqişə tərəflərinin heç birinə göndərməyib.

Diplomat Ukrayna prezidentini ABŞ-ın dəstəklədiyi ölkələrin taleyinə diqqət yetirməyə çağırıb.

Xatırladaq ki, Rusiyanın Ukraynada İranın pilotsuz təyyarələrindən istifadə etdiyi qeyd olunur.

Rusiya Federasiyası Prezidentinin mətbuat katibi Dmitri Peskov bildirib ki, Rusiya ordusu öz istehsalı olan dronlardan istifadə edir.

Azerbaycan-ruznamesi.org