Günahkar Əhməd və İsmayıl haradadır

ABŞ-ın günahkar Əhməd axtarışı lap məşhur filmdəki çaş-baş səhnələri xatırladır. Belə ki, səhvən Türkiyənin iki vətəndaşını İŞİD terror qruplaşmasına dəstək verənlər siyahısına salaraq, onlara qarşı sanksiya tətbiq edib.

Azerbaycan-ruznamesi.org “Hurriyet”ə istinadən xəbər verir ki, Şanlıurfa şəhərində yaşayan Əhməd Bayaltun və qardaşı oğlu İsmayıl Bayaltun ABŞ-ın yanlışının qurbanına çevriliblər.

Məlumata görə, 2019-cu il noyabrın 18-də ABŞ-ın Maliyyə Nazirliyinin Xarici vətəndaşların bank hesablarına nəzarət üzrə İdarəsi Əhməd Bayaltun ilə qardaş oğlu İsmayıl Bayaltunun adını səhvən sanksiya tətbiq edilən şəxslərin siyahısına yazıb. ABŞ ticarətlə məşğul olan əmi və qardaş oğlunu Şanlıurfada yaşayan, terrorçu İŞİD-ə yardım etdikləri üçün məhkum olunmuş Əhməd və İsmayıl Bayaltun adlı iki qardaşla səhv salıb.

Əhməd və İsmayıl Bayaltun mobil telefonların satışı ilə məşğuldurlar. ABŞ-ın Maliyyə Nazirliyinin səhvi səbəbindən onlar 1 il 6 aydır Çindən telefon gətirə bilmirlər.

Yaranmış qarışıqlığı həll etmək üçün onların Türkiyədən olan vəkili Xəlil Uzun Əhməd Bayaltun və qardaşı oğlu İsmayıl Bayaltunun digər bayaltunlardan, yəni Əhməd və İsmayıl Bayaltun qardaşlarından fəqrli insan olduqlarını sübut edib. Vəkil sanksiyanın aradan qaldırılması üçün ABŞ-ın Maliyyə Nazirliyinin Xarici vətəndaşların bank hesablarına nəzarət üzrə idarəsinə müraciət göndərib.

ABŞ-ın yanlış sanksiyası səbəbindən aprelin 7-də İsmayıl Bayaltunun daşınmaz əmlakına da həbs qoyulub. Vəkil X.Uzun qadağanın aradan qaldırılması üçün Türkiyənin Xəzinə və Maliyyə Nazirliyinə də müraciət ünvanlayıb.

Report