GÜNEY AZƏRBAYCAN SİYASİ MƏHBUSLARINA AZADLIQ

​Güney Azərbaycanın milli kimliyi, ana dili və ləyaqəti uğrunda mübarizə aparan soydaşlarımızın zindanlara atılması, repressiya və təzyiqlərlə üzləşməsi artıq dözülməz bir həddə çatmışdır.

Bütöv Azərbaycan Ocaqları (BAO) olaraq bəyan edirik: Heç bir qəfəs, heç bir işgəncə və heç bir istibdad rejimi milyonlarla insanın azadlıq iradəsini qıra bilməz!

​Bu gün Təbrizin, Urmunun, Ərdəbilin cəsur övladları yalnız öz haqlarını tələb etdikləri üçün dəmir barmaqlıqlar arxasında saxlanılırlar. Bu, sadəcə bir qrup insanın həbsi deyil, bütöv bir millətin səsini boğmaq cəhdidir. Lakin unudurlar ki, azadlıq ruhu zindan divarlarından daha uca və daha sərtdir!

​BAO olaraq qətiyyətlə tələb edirik:

​ Dərhal Azadlıq: Milli fəallara qarşı irəli sürülən saxta ittihamlar ləğv edilməli, bütün siyasi məhbuslar dərhal sərbəst buraxılmalıdır!

​ İstibdada Son: Türk millətinin iradəsinə qarşı yönəlmiş hər cür repressiv siyasət iflasa məhkumdur. Millətimizin səbri tükənməz deyil!

​ ​​​Haqq Səsimiz Kəsilməz: Biz Güney Azərbaycanlı soydaşlarımızın haqq mübarizəsinin arxasındayıq. Onların dərdi dərdimiz, davası davamızdır!

​Siyasi məhbuslarımıza qarşı tətbiq edilən qeyri-insani rəftar, işgəncə və təcrid metodları insanlıq əleyhinə cinayətdir. Dünya bilməlidir ki, Azərbaycan türkü öz haqqını heç kimə pay verməyəcək!

​Zindanlar yıxılacaq, əsarət zəncirləri qırılacaq! Bizim mübarizəmiz sarsılmaz, inamımız tamdır. Güneyin qəhrəman övladları azad olana qədər bu mübarizə sərngiməyəcək!

​Yaşasın Azərbaycan!

Güney Azərbaycanın siyasi məhbuslarına qeyri-şərtsiz azadlıq!

​Bütöv Azərbaycan Ocaqları.

Bakı, 21 Aprel 2026-cı il