İranın Azərbaycandakı yanlış addımlarının və Həqiqətpur kimi insanların fəaliyyətinin nəticəsi…

Məsud Pezeşkian hökumətinin media müşaviri Əli Əsgər Şəfian Mənsur
Həqiqətpurun Zəngəzur, Azərbaycan və Pezeşkian ailəsi ilə bağlı son
açıqlamalarına reaksiya verərək deyib: Azərbaycanın İrana etimadsızlığı İranın
Azərbaycandakı yanlış addımları və Həqiqətpur kimi insanların fəaliyyətinin
nəticəsidir.
O əlavə edib: “Məsud Pezeşkian deyib ki, o, Əraqçinin Zəngəzurla bağlı
fikirlərini qəbul edir. Həqiqətpurun öz ixtisası üzrə danışması daha yaxşı olardı.
Biz Zəngəzur məsələsində geridə qaldıq və fürsəti əldən verdik. Biz
Azərbaycanla bağlı çox ciddi səhvlərə yol verdik. İranın keçmiş səhvləri
olmasaydı, Azərbaycan İsrailin və Qərbin əlinə keçməzdi. Bu mövzuda
məsuliyyət daşıyan Həqiqətpur və onun dostları cavabverməlidirlər.

Azərbaycan həssaslaşıb və İranın yanlış addımlarına görə bizə  etibar etmir.”
Əli Əsgər Şəfian Zəngəzur dəhlizi məsələsinə də toxunub: “Hardasa səhv etdin
və uduzdunsa bunu qəbul etmək lazımdır. Bundan başqa, sərhədin o biri tərəfi
sərhədin o tərəfidir; bu qədər sadə! Sərhədin o tərəfi sərhədin biz tərəfi deyil!
Razılaşmalar sərhədin digər tərəfində baş verir.”
Qeyd edək ki, İran parlamentinin Milli Təhlükəsizlik Komissiyasının keçmiş
üzvü, İrandakı türk əleyhdarlarından biri olan Mənsur Həqiqətpur son
açıqlamalarında İran prezidenti Məsud Pezeşkiana və onun apardığı siyasətə
hücum etmiş, Pezeşkianın oğlunu pantürk adlandırmışdı.
Azerbaycan-ruznamesi.org