İRANDA “KELİD” NİYƏ BAĞLANDI?

İranda nəşr olunan “Kelid” qəzetinin manşetində ölkənin ali dini lideri Ayətullah Əli Xamneyinin yoxsulluq həddini çəkən əlinə bənzər əli əks etdirən şəkil yer aldıqdan sonra bağlandığı bildirilib.

Yarı-rəsmi Mehr xəbər agentliyi İranın mediaya nəzarət orqanının ön səhifəsində “Milyonlarla iranlı yoxsulluq həddinin altında yaşayır” sərlövhəli məqalənin dərcindən sonra, Kelidin fəaliyyətini dayandırdığını bildirib.

Independent Turkish xəbərinə görə; Başlığın altındakı qrafikdə şəxsin sol əlinin qələm tutan və səhifənin üstündən qırmızı xətt çəkdiyi göstərilir. Qırmızı xəttin altındakı siluetlər xəttə çatmağa çalışır.

Maraqlıdır ki, şəkil Xamneyinin sol əli ilə kağız parçasına nə isə yazdığı əvvəlki fotoşəkilə bənzəyirdi. 27 iyun 1981-ci ildə Ebuzer məscidində qarşısındakı bombalanmış maqnitofonun partlaması nəticəsində sağ əli iflic olan Xamneyinin sol əlində taxdığı üzük də görüntüdə yer alıb.

IRNA dövlət agentliyi də Kelidin qərarın səbəbini izah etmədən bağlandığını etiraf edib.

Digər tərəfdən, ABŞ-da yerləşən Jurnalistləri Müdafiə Komitəsi İranı qəzetin fəaliyyətini qadağan edən qərarından dərhal geri çəkilməyə çağırıb. Komitənin Yaxın Şərq və Şimali Afrika üzrə koordinatoru Şerif Mənsur deyib:

“Gündəlik həyatda olan məsələlərlə bağlı dəqiq və açıq xəbərlərin verilməsi İran xalqı üçün həyati əhəmiyyət kəsb edir. İran hakimiyyəti dərhal Kelidin fəaliyyətini davam etdirməsinə icazə verməli və mediaya senzura cəhdlərini dayandırmalıdır”.

İranın dövlət iqtisadiyyatı 1979-cu il İslam İnqilabından sonra uzun müddətdir ki, problem yaşayır. Xüsusilə ABŞ-ın keçmiş prezidenti Donald Tramp 2018-ci ildə Tehranın dünya gücləri ilə imzaladığı nüvə sazişindən birtərəfli qaydada çıxdıqdan sonra, iqtisadiyyat da təzyiq altında olub.

ABŞ-ın nüvə sazişinin dayandırılması və İranın uranı zənginləşdirməyə davam etməsi səbəbindən tətbiq etdiyi sanksiyalar İran iqtisadiyyatına ciddi təsir edir.

İranda bütün radio və televiziya stansiyaları dövlət nəzarətində olsa da, qəzet və jurnallar özəl şəxslərə və ya qurumlara aid ola bilər.

Azerbaycan-ruznamesi.org