İRANIN POMPEO VƏ BOLTONA SANKSİYASI

İran 61 amerikalıya sanksiya tətbiq edib.

Azerbaycan-ruznamesi.org-un xəbərinə görə, bu barədə məlumat İran Xarici İşlər Nazirliyinin saytında yerləşdirilib.

Sanksiya tətbiq edilənlər arasında ABŞ-ın sabiq dövlət katibi Mayk Pompeo və ABŞ Prezidentinin Milli təhlükəsizlik məsələləri üzrə sabiq köməkçisi Con Bolton, ABŞ-ın sabiq Prezidenti Donald Trampın keçmiş vəkili, Nyu-Yorkun sabiq meri Rudolf Culiani və bir sıra konqresmenlər də var. Robert Menendes və Teda Kruz kimi senatorların, Nümayəndələr Palatasının üzvü Berd Şermanın da adı siyahıdadır.

Tehran bu amerikalıları ölkədə terror təşkilatı kimi tanınan “Mücahiddin-e-Xalq” təşkilatına dəstək verməkdə ittiham edib.