ƏRDƏBİLDƏKİ MƏHBUSLAR TİBBİ XİDMƏTDƏN MƏHRUMDUR

Ərdəbildəki son etiraz aksiyaları ilə bağlı məhbuslardan yeddisinin həbsindən bir aya yaxın keçməsinə baxmayaraq, onlar hələ də bu şəhərin həbsxanasında saxlanılırlar. Saxlanılarkən şiddətli döyülən bu məhbuslar tibbi xidmətlərdən istifadə imkanlarından məhrum edilib.

İranwire-ə çatan xəbərlərə görə, Ərdəbil Ümumi və İnqilab Prokurorluğunun 7-ci şöbəsinin müstəntiqi “Kamyar Səlim”, Ərdəbilli məhbusların ailələrinə birmənalı cavab verməməklə yanaşı, “Əsgər Əkbərzadə”, “Meysəm Colani”, “Yaşar Əkbərzadə” və “Məhəmməd Colani”nin ailələri tərəfindən verilən girova baxmayaraq onların sərbəst buraxılmasına icaz verilmir. Ayrıca bu məhkəmə rəsmisi “Yusif Kari”, “Səccad Qanemoqəddəm” və “Firuz Moini”nin giriv qoymasını da qəbul etməkdən imtina edib.

Bu yeddi Ərdəbilli mədəni fəalın hamısı İranda “Jina Əmini”nin Əxlaq Polisi tərəfindən öldürülməsindən sonra başlayan ümumi etirazlardan sonra həbs edilib.

2022-ci il sentyabrın 22-də Ərdəbil Kəşfiyyat İdarəsinin əməkdaşları Əsgər Əkbərzadə və Meysəm Colaninin evlərinə basqın edərək onları zorakılıq və şiddətli basqınlarla həbs etdilər. Məlumatlı mənbənin bildirdiyinə görə, cənab Əkbərzadə qaraciyər yağlanmasından əziyyət çəkir və həbsdə olarkən onun dərmanlarına buraxılmayıb.

İranwire-in vətəndaş müxbirlərinin bildirdiyinə görə, 9 Mehr 1401-ci il şənbə günü Ərdəbildə Müsqəimdən sonra təhlükəsizlik qüvvələri Məhəmməd Colani və Səccad Qanemoqadamın avtomobilinə atəş açıb onların avtomobilini saxlayıb, bu vətəndaşları zorakılıq və şiddətli döymələrlə həbs ediblər. Məhəmməd Colani və Səccad Qanemoqəddəmin xəsarətlərinin şiddəti o qədər böyük olub ki, məmurlar bazar günü səhər onları Ərdəbildəki xəstəxanaya aparıblar və müalicə prosesi bitməmiş bu vətəndaşları yenidən naməlum bir yerə aparıblar.

Yaşar Əkbərzadə oktyabrın 3-də, Firuz Moini və Yusif Kari də oktyabrın 5-də təhlükəsizlik qüvvələri tərəfindən həbs edilib.

Həbs edildikdən sonra bu yeddi Ərdəbil mədəni fəal əvvəlcə Ərdəbil Kəşfiyyat İdarəsinin təcridxanasına, sonra isə bu şəhərin mərkəzi həbsxanasına köçürülüb. Həmin vətəndaşların həbsindən 1 aya yaxın keçməsinə baxmayaraq, onlar hələ də vəkil tutmaqdan, ailələri ilə görüşdən, effektiv və adekvat tibbi xidmətlərdən istifadə etməkdən məhrumdurlar.

Azerbaycan-ruznamesi.org