İRANDA QADINLAR HİCABDAN XİLAS OLMAĞA İDDİALIDIRLAR
Sosial şəbəkələrdə yayılan videolara görə, ölkədə hicabla bağlı hökumətin sərt tədbirlərini artırması səbəbindən, iranlı qadınlar ölkənin müxtəlif şəhərlərində “icbari hicaba yox” həştəqi ilə kampaniya başladıblar.
Azerbaycan-ruznamesi.org xəbər verir ki, onlar küçələrdə hicablarını açaraq, İran hökumətinin sərt qanunlarına etirazlarını bildiriblər.
İranda icbari hicaba qarşı çıxan fəalların öncədən çağırışına əsasən, sosial şəbəkələrdə yayılan videolar göstərir ki, hökumətin “hicab və iffət günü” adlandırdığı gün çox sayda qadın #İcbariHicabaYox həştəqli kampaniyanı geniş şəkildə alqışlayıb və ümumi yerlərdə öz yaylıqlarını çıxarıblar.
Şərhlər bağlıdır.